၂(၂၇) ကြိမ်မြောက် နှစ်ပတ်လည်အစည်းအဝေးသို့ တင်သွင်းမည့် ဒါရိုက်တာအဖွဲ့အစီရင်ခံစာတွင် တင်ပြမည့် ရှေ့လုပ်ငန်းစဉ်များ
| (က) | ကမ္ဘာ့ရတနာဘဏ် ရေရှည်ဖွံ့ဖြိုးတိုးတက်ခိုင်မာစေရေးအတွက် ဒါရိုက်တာအဖွဲ့၏ ဦးဆောင်မှုဖြင့် ဖွဲ့စည်းထားသော စီမံခန့်ခွဲမှုကော်မတီများက စနစ်တကျတာဝန်ယူမှု တာဝန်ခံမှုအပြည့်ဖြင့် ဆောင်ရွက်ရန်၊ |
| (ခ) | စီမံခန့်ခွဲမှုကော်မတီများက ချမှတ်ထားသော မူဝါဒများအတိုင်း အကောင်အထည် ဖော်ဆောင်ရွက် ရန်၊ |
| (ဂ) | IFRSနှင့်အညီဆောင်ရွက်နိုင်ရေး ပြင်ဆင်မှုများကိုသတ်မှတ်စံချိန်စံညွှန်းနှင့်အညီလိုက်နာဆောင်ရွက် ရန်နှင့် မြန်မာနိုင်ငံတော်ဗဟိုဘဏ်မှ သတ်မှတ်ထားသော ကာလအတွင်း အသင့်ဖြစ်စေရန်၊ |
| (ဃ) | အရည်အသွေးပြည့်ဝခိုင်မာသော ချေးငွေများထုတ်ချေးနိုင်ရန် သတ်မှတ်ထားသောမူဝါဒ ညွှန်ကြားချက်များနှင့်အညီ စီမံခန့်ခွဲခြင်း၊ ဆုံးရှုံးနိုင်ခြေများ အကဲဖြတ်သုံးသပ်ခြင်းများဖြင့် စနစ်တကျလိုက်နာဆောင်ရွက်ရန်၊ |
| (င) | မိမိတို့၏ ဘဏ်လုပ်ငန်း၊ ငွေကြေးဝန်ဆောင်မှုလုပ်ငန်းများကို နိုင်ငံတကာစံချိန်စံညွှန်းများနှင့် ကိုက်ညီအောင် အဆင့်မြှင့်တင်ဆောင်ရွက်ရန်၊ |
| (စ) | နိုင်ငံခြားဘဏ်လုပ်ငန်းဌာနကို ရည်မှန်းချက်ချမှတ်၍ ပြည့်မီရေး ကြိုးစားဆောင်ရွက်စေရန်နှင့် Trade Financing တိုးတက်ရေးဆောင်ရွက်ရန်၊ |
| (ဆ) | Core Banking System ကိုစနစ်တကျ ဆက်လက်ဆောင်ရွက်ရန်နှင့် ဆက်စပ်ငွေကြေးဝန်ဆောင်မှု လုပ်ငန်းများ တိုးမြှင့်ဆောင်ရွက်သွားရန်၊ |
| (ဇ) | Card စနစ်များသာမက Mobile Banking ကဲ့သို့ ဝန်ဆောင်မှုများကို အဆင့်အတန်းမီ ဆောင်ရွက်နိုင် ရေး လိုအပ်သောလုပ်ငန်းစဉ်များ၊ အဆင်ပြေချောမွေ့ရေး ကျွမ်းကျင်ဝန်ထမ်းများလေ့ကျင့် ပျိုးထောင်မှုစဉ်ဆက်မပြတ်ဆောင်ရွက်ရန်၊ |
| (ဈ) | ကမ္ဘာ့ရတနာဘဏ်(ယခင်)မြန်မာ့မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်၏ မူလရည်ရွယ်ချက် များဖြစ်သော သားငါးကဏ္ဍဖွံ့ဖြိုးတိုးတက်ရေးအတွက် အထောက်အပံ့ဖြစ်စေသော လုပ်ငန်းစဉ်များ ဆက်လက်ဆောင်ရွက်ရန်၊ |
| (ည) | ဘဏ်၏ အကျိုးအမြတ်ရရှိရေးအတွက် ချေးငွေအခြေမခံသောဝင်ငွေ Non-Interest Income ရရှိအောင် ဝန်ဆောင်မှုလုပ်ငန်းများဖြစ်သော အာမခံလုပ်ငန်းအပါအဝင် အခြားလုပ်ငန်းများ တိုးမြှင့် ဆောင်ရွက်ရန်၊ |
| (ဋ) | ဝန်ထမ်းများ အရည်အသွေးပြည့်ဝရေး၊ လုပ်ငန်းခွင်ပျော်ရွှင်စေရေးအတွက် ဝန်ထမ်းသက်သာ ချောင်ချိရေး ဆောင်ရွက်ပေးရန်၊ |
| (ဌ) | ရည်မှန်းချက် (၄) ရပ်ဖြင့် ဖွဲ့စည်းထားသော “ရတနာနှလုံးသားလူမှုရေးအကျိုးပြုအဖွဲ့” ၏ ဆောင်ရွက်မှုများ တိုးမြှင့်ဆောင်ရွက်နိုင်ရေး ထောက်ပံ့ပေးရန်နှင့် CSR လုပ်ငန်းများကို ပိုမိုတိုးမြှင့်ဆောင်ရွက်ရန်၊ |
| (ဍ) | ဘဏ်၏လုပ်ငန်းဆောင်ရွက်မှုများကို အများပြည်သူများထံ အသိပေးသတင်းရောက်ရှိစေခြင်းဖြင့် ပိုမိုကောင်းမွန်သော Cusotmer Care Service ပြုလုပ်နိုင်ရေး ရှယ်ယာရှင်များမှ စိတ်ဝင်စားသူ များနှင့် ပူးပေါင်း၍ door to door Marketing ဆောင်ရွက်သွားရန်၊ |
| (ဎ) | ဘဏ်ဝန်ထမ်းများကို အရည်အသွေးမြှင့်တင်ပြီး ပိုမိုကျစ်လျစ်သော ဘဏ်ခွဲများအဖြစ် ဖော်ဆောင်သွားရန်၊ |
| (ဏ) | NPL လျော့နည်းကျဆင်းရေးကို အချိန်ကာလသတ်မှတ်၍ သတ်မှတ်ကာလအတွင်း ကြိုးစား အကောင်အထည်ဖော်ဆောင်ရွက်ရန်၊ |
နိဂုံး
ကမ္ဘာ့ရတနာဘဏ် (အများနှင့်သက်ဆိုင်သော ကုမ္ပဏီလီမိတက်)သည် နောင်လာလတ္တံ့သော နှစ်များတွင်လည်း ဘဏ်နှင့် ဆက်သွယ်သူ Customer များ၊ လုပ်ငန်းရှင်များ၏ အကျိုးစီးပွားအတွက် အဖက်ဖက်မှ အဆင်ပြေချောမွေ့စွာ ဆောင်ရွက်ပေးသွားမည်ဖြစ်ပါကြောင်း ဖော်ပြလျက် ဤအစီရင်ခံစာကို နှစ်ပတ်လည် အစည်းအဝေးကြီးမှ အတည်ပြုပေးနိုင်ပါရန် တင်ပြအပ်ပါသည်။
(ဒါရိုက်တာအဖွဲ့)
၂၀၂၀ခုနှစ်၊ ကမ္ဘာ့ရတနာဘဏ်လီမိတက်