ချေးငွေလုပ်ငန်း
ကမ္ဘာ့ရတနာဘဏ်လီမိတက်၏ အဓိကဝင်ငွေရလုပ်ငန်းများအနက်တစ်ခုဖြစ်သည့် နှစ်တိုးချေးငွေ လုပ်ငန်းကိုဆောင်ရွက်ရာ၌ တိုင်းရင်းသားလုပ်ငန်းရှင်များ၏ လုပ်ငန်းများတွင် ဘဏ္ဍာငွေ/ ရင်းနှီးမြှုပ်နှံငွေ အထောက်အပံ့ပေးခြင်းဖြင့် နိုင်ငံတော်၏ဖွံ့ဖြိုးတိုးတက်မှုကို တစ်ဖက်တစ်လမ်းမှ အထောက်အကူပြုစေရန် နှင့် အခြားတစ်ဖက်မှလည်း ဘဏ်လုပ်ငန်းများ ဖွံ့ဖြိုးတိုးတက်လာပြီး ပုံမှန်ဝင်ငွေရရှိစေရန်နှင့် ဆုံးရှုံးမှုမရှိ စေရန်အတွက် ဒါရိုက်တာတစ်ဦးမှ ဦးဆောင်ကာ ဒါရိုက်တာအဖွဲ့ဝင်(၆)ဦး ပါဝင်သော ချေးငွေကော်မတီ ဖွဲ့စည်း၍ အဆင့်ဆင့်စိစစ်ပြီး ချေးငွေများထုတ်ပေးလျက်ရှိပါသည်။
ကမ္ဘာ့ရတနာဘဏ်လီမိတက် (ချေးငွေဌာန)အနေဖြင့် (၃၁.၃.၂၀၂၂) နေ့အထိ တိုင်းရင်းသား လုပ်ငန်းရှင်(၄၁,၂၃၃) ဦးသို့ ချေးငွေပမာဏ ကျပ်သန်း (၅၈၃,၂၄၇.၀၀) ထုတ်ချေးခဲ့ရာ ယခင်နှစ်ကထက် ကျပ်သန်း (၃၁,၂၅၂.၃၃) လျော့နည်းထုတ်ချေးနိုင်ခဲ့ပါသည်။ နိုင်ငံရေးစီးပွားရေးအခြေအနေအများအရဝင်ငွေ ကျပ်သန်း (၂၅,၈၁၀.၉၁) ရရှိခဲ့ရာမှ ယခုနှစ်တွင် ကျပ်သန်း (၁၇,၈၁၁.၁၀) ရရှိခဲ့ရာ ကျပ်သန်း (၇,၉၉၉.၈၁) လျော့နည်းသွားပါသည်။