နိုင်ငံခြားငွေဝန်ဆောင်မှုလုပ်ငန်းအခြေအနေ

ကမ္ဘာ့ရတနာဘဏ်လီမိတက်သည် မြန်မာနိုင်ငံတော်ဗဟိုဘဏ်မှ ပြည်ပနိုင်ငံများနှင့် နိုင်ငံခြားဘဏ် လုပ်ငန်းများ ဆောင်ရွက်နိုင်စေရေးအတွက် နိုင်ငံခြားငွေရောင်းဝယ်ဖောက်ကားသည့် AD (Authorized Dealer Licence) လိုင်စင်ကို (၂၄.၈.၂၀၁၂) ရက်နေ့တွင် ရရှိခဲ့ပြီးနောက် ဘဏ်ရေရှည် ရပ်တည်ခိုင်မြဲစေ ရန်နှင့် နိုင်ငံခြားငွေတိုးပွားစေရန် ပြည်တွင်း၊ ပြည်ပလုပ်ငန်းရှင်များ၊ နိုင်ငံခြားတိုင်းပြည်ရှိ ဘဏ်များနှင့် Trade ကိစ္စရပ်များ တိုးမြှင့်ဆောင်ရွက်ခြင်း၊ Cross Border Trade ကိစ္စရပ်များနှင့် ပတ်သက်၍ သက်ဆိုင်ရာ နိုင်ငံအသီးသီး၌ ငွေစာရင်းများ ဖွင့်လှစ်၍ ငွေကြေးများ တိုက်ရိုက်ပေးချေရန် ဆောင်ရွက်ခြင်း၊ နိုင်ငံတွင်းရှိ အခြားဘဏ်များနှင့် ရင်ပေါင်တန်းယှဉ်ပြိုင်နိုင်ရေးတို့ကို တစ်နှစ်ထက်တစ်နှစ် ပို၍ ပို၍ စဉ်ဆက်မပြတ် အားထုတ်ကြိုးပမ်းဆောင်ရွက်လျက်ရှိပါသည်။

one

ထို့အပြင် နိုင်ငံခြားဘဏ်များနှင့် ဆက်သွယ်ဆောင်ရွက်ရာတွင် လွယ်ကူချောမွေ့ပြီး လုံခြုံစိတ်ချ မြန်ဆန်မှုရှိစေရေးအတွက် SWIFT (Society for Worldwide Interbank Financial Telecommunication) ကို အသုံးပြု၍ နိုင်ငံခြားဘဏ်များဖြစ်သည့် United Overseas Bank, (Singapore), Oversea-Chinese Banking Corporation Limited(OCBC) (Singapore), Punjab National Bank (formal- United Bank of India), Krung Thai Bank (Thailand), Shinhan Bank (Korea), Kasikorn Bank (Thailand) တို့နှင့် စာရင်းဖွင့်လှစ်ဆောင်ရွက်ခဲ့ပြီး၊ Correspondent Bank (အဆက်အသွယ်ဘဏ်များ)အဖြစ် State Bank of India, Unicredit Bank, Busan Bank, Woori Bank (Yangon Branch), BIDV (Bank for Investment and Development of Vietnam), ICBC (Industrial and Commercial Bank of China) တို့နှင့် RMA ချိတ်ဆက်၍ လုပ်ကိုင်ဆောင်ရွက်လျက်ရှိပါသည်။

အပြည်ပြည်ဆိုင်ရာငွေလွှဲလုပ်ငန်းများကို နိုင်ငံပေါင်း (၂၀၀) ကျော်နှင့် လုပ်ဆောင်နေသော Western Union နှင့် (၃.၁.၂၀၁၃) ရက်နေ့မှစတင်၍ နိုင်ငံတကာအပြည်ပြည်ဆိုင်ရာငွေလွှဲလုပ်ငန်းများ လုပ်ကိုင် ဆောင်ရွက်လျက်ရှိရာ နိုင်ငံတကာမှငွေလွှဲများကို မြန်မာနိုင်ငံတွင်မိနစ်ပိုင်းအတွင်း မိမိတို့၏ဘဏ်ရုံးချုပ် အပါအဝင် ဘဏ်ခွဲများအားလုံး၌ ထုတ်ယူနိုင်ပြီဖြစ်ပါသည်။ ယခုအခါ ၂၀၁၆ (ဇွန်လ) မှစတင်၍ မြန်မာနိုင်ငံမှ ပြည်ပနိုင်ငံပေါင်း (၂၀၀)ကျော်သို့ Western Union ဖြင့် Outbound ငွေပြန်လည်လွှဲပို့နေပြီဖြစ်ပါသည်။ ယခုကာလတွင် ငွေသားထုတ်ပေးရန် ခက်ခဲနေသော်လည်း မိမိတို့ဘဏ်အနေဖြင့် Customer များ၏ အကျိုးကိုမျှော်ကိုး၍ လွှဲငွေအားလုံးကို ငွေသားအပြည့်အဝထုတ်ပေးနိုင်ခဲ့သဖြင့် International Transaction Services (western Union) လုပ်ငန်းဖြင့် ပြည်သူများ၏ စိတ်ကျေနပ်မှု ရရှိစေရေးအတွက် ဆောင်ရွက်ပေး နိုင်ခဲ့ပါသည်။

ယခုအခါ 2022-2023 ဘဏ္ဍာရေးနှစ်အတွင်း နိုင်ငံခြားငွေဝန်ဆောင်မှုများအနေဖြင့် ဝင်ငွေရရှိမှု အခြေအနေအား အောက်ပါအတိုင်း တင်ပြအပ်ပါသည် -

ဘဏ်၏မတည်ငွေရင်းအခြေပြဇယား

(ကျပ်သန်းပေါင်း)

No Particular Quantity Income
1 Export, Import (TT&LC) 1,971.62
2 Trade Finance 1,706.71
3 Western Union
    -     Inbound & Outbound
13.29
4 Guarantee 8.101
5 Money Changern
    -     Buying & Selling
    -     FX


250.01
1,471.00
Total Income 7,059.78