ယခင်ဝန်ကြီးဌာနအလိုက်အထူးချေးငွေပံ့ပိုးဆောင်ရွက်မှုများ

ဆားလုပ်ငန်းအထူးချေးငွေ

ဆားလုပ်ငန်း အထူးချေးငွေကိစ္စနှင့် ပတ်သက်၍ (၉-၉-၂၀၀၈) ရက်နေ့တွင် အစိုးရအဖွဲ့ရုံး၊ အစည်းအဝေးခန်းမ၌ ကျင်းပပြုလုပ်သော အမျိုးသားသဘာဝဘေးကာကွယ်စောင့်ရှောက်ရေး ဗဟိုကော်မတီ ၏ ဧရာဝတီတိုင်းအတွင်းရှိ မုန်တိုင်းသင့်ဒေသများဖြစ်သော ငပုတောမြို့နယ်၊ လပွတ္တာမြို့နယ်၊ ဖျာပုံမြို့နယ် များရှိ ဆားတောင်သူ / ဆားလုပ်ငန်းရှင်များသို့ ဆားလုပ်ငန်းရှင်များ ပြန်လည်ထူထောင်ရေးအတွက် ပုဂ္ဂလိကဘဏ် (၅) ဘဏ်မှ ချေးငွေများအချိန်မီ ထုတ်ပေးရန်ဖြစ်ရာ မိမိတို့ဘဏ်မှ (၃)နှစ် အတွင်း အရစ်ကျ ပြန်ဆပ်သည့် စနစ်ဖြင့်ကျပ်သန်း (၁၈၄၅) ကို G to G စနစ်ဖြင့် ထုတ်ချေးပေးခဲ့ပါသည်။

အဆိုပါချေးငွေအတွက် မြန်မာနိုင်ငံတော်ဗဟိုဘဏ်နေပြည်တော်၏ (၃၀-၉-၂၀၀၈) ရက်စွဲပါ စာအမှတ်(၄၈၈/၂၅၈-ကက/၂၀၀၈-၂၀၀၉) အရ ဘဏ်မှ ဆားချေးငွေထုတ်ချေးရာတွင် လိုက်နာဆောင်ရွက် ရန် အချက်အလက်များနှင့်အညီ သတ္တုတွင်းဝန်ကြီးဌာန၊ မြန်မာ့ဆားနှင့်အဏ္ဏဝါဓာတုဗေဒပစ္စည်း ထုတ်လုပ်ရေးနှင့် ရောင်းဝယ်ရေးလုပ်ငန်းမှတဆင့် မိမိတို့ဘဏ်မှ နာဂစ်ဆိုင်ကလုန်းမုန်တိုင်းဒဏ်ခံခဲ့ရသော ဧရာဝတီတိုင်းဒေသကြီးရှိ ငပုတောမြို့နယ်၊ လပ္ပတ္တာမြို့နယ်၊ ဖျာပုံမြို့နယ်များရှိ ဆားလုပ်ငန်း ပြန်လည်ထူ ထောင်ရေးအတွက် ဆားတောင်သူ (၇၉၀) ဦးအား (၁၀.၁၀.၂၀၀၈)ရက်နေ့တွင် ပထမအကြိမ် ချေးငွေကျပ် သန်း (၇၂၂.၅) အားလည်းကောင်း ၊ (၁၄.၁၁.၂၀၀၈) ရက်နေ့တွင် ဒုတိယအကြိမ် ချေးငွေကျပ်သန်း (၇၂၂.၅) အားလည်းကောင်း၊ (၃.၂.၂၀၀၉) ရက်နေ့တွင် တတိယအကြိမ်ကျပ်သန်း (၄၀၀) အားလည်းကောင်း အတိုး နှုန်း (၁၂%)( ဒဏ်ကြေးမကောက်ခံ ) အထူးချေးငွေအနေဖြင့် ထုတ်ချေးပေးခဲ့ပါသည်။

၎င်းအပြင် (၂၀၀၈ မှ ၂၀၁၁)ထိ ချေးငွေသက်တမ်းကာလ (၃) နှစ်ဖြစ်သော်လည်း ၊ နေပြည်တော်၊ သတ္တုတွင်းဝန်ကြီးဌာန၊ မြန်မာ့ဆားနှင့် အဏ္ဏဝါဓာတုဗေဒပစ္စည်းထုတ်လုပ်ရေးနှင့် ရောင်းဝယ်ရေးလုပ်ငန်းမှ ဆားအထူးချေးငွေ ပြန်လည်ပေးဆပ်မှုကာလကို နောက်ထပ်(၁)နှစ် သက်တမ်းတိုးမြှင့်ပေးပါရန် ညှိနှိုင်း မေတ္တာရပ်ခံချက်အရ ၂၀၁၂ခုနှစ် ၊ ဒီဇင်ဘာလကုန်အထိ သက်တမ်းတိုးဆောင်ရွက်ပေးခဲ့ပါသည်။ (၂၇-၈-၂၀၁၃) ရက်နေ့တွင် မြန်မာနိုင်ငံတော်ဗဟိုဘဏ် ငွေရေးကြေးရေး ကြပ်မတ်ကွပ်ကဲမှုဌာန၊ ရန်ကုန်မြို့မှ ဆားလုပ်ငန်းအထူးချေးငွေ အစည်းအဝေးဆုံးဖြတ်ချက်အရ (၃၁-၃-၂၀၁၃) ရက်နေ့ နောက်ပိုင်း အတိုးများကို ရပ်ဆိုင်းပေးရေးစာအရ နောက်ပိုင်းအတိုးများကို ရပ်ဆိုင်းပေးရပြီး (၁၉.၃.၂၀၁၄) နေ့မှသာ ချေးငွေအားလုံး အပြေအကြေပေးဆပ်နိုင်ခဲ့ပါသည်။

ယခင်မြန်မာ့မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်အနေဖြင့် နာဂစ်ဆိုင်ကလုန်းမုန်တိုင်းဒဏ်ခံ ရသော ဧရာဝတီတိုင်းဒေသကြီးရှိ ဆားလုပ်ငန်းများ ပြန်လည်ထူထောင်ရေးအတွက် ဆားတောင်သူ/ ဆားလုပ်ငန်းရှင် (၇၉၀)ဦးအား အတိုးနှုန်းသက်သာစွာဖြင့် (၂၀၀၈)ခုနှစ်မှ (၂၀၁၄)ခုနှစ် (မတ်လ)အထိ (၆) နှစ်တာ ကာလတိုင်အောင် တစ်ဖက်တစ်လမ်းမှ ပါဝင်ကူညီပံ့ပိုး ဆောင်ရွက်ပေးခဲ့သည့် ပုံရိပ်များအနေဖြင့် ဖော်ပြလိုက်ရပါသည်။

CNG အထူးချေးငွေ

ဘဏ္ဍာရေးနှင့်အခွန်ဝန်ကြီးဌာန ဘဏ်များကြီးကြပ်ရေးကော်မတီမှ တက္ကသိုလ်ကြိုပို့မော်တော် ယာဉ်(၁,၁၅၉) စီးအား CNG စနစ်ပြောင်းလဲတပ်ဆင်ရန်အတွက် တစ်စီးလျှင် ကျပ်(၃၅)သိန်းနှုန်းဖြင့် ကျပ် (၄၀၅၆၅) သိန်းအား ဘဏ်(၃)ဘဏ်ဖြစ်သော (သမဝါယမဘဏ်၊ ရန်ကုန်မြို့တော်စည်ပင်သာယာရေးဘဏ်၊ မြန်မာ့မွေးမြူရေးနှင့်ရေလုပ်ငန်းဖွံ့ဖြိုးရေးဘဏ်) တစ်ဘဏ်လျှင် ကျပ်(၁၃,၅၂၁) သိန်းနှုန်းဖြင့် ခွဲဝေချမှတ် ပေးခဲ့ပါသည်။ မော်တော်ယာဉ်လိုင်းပေါင်းစုံ ထိန်းသိမ်းရေးကော်မတီမှ တိုင်းအေးချမ်းသာယာရေးနှင့် ဖွံ့ဖြိုးရေးကောင်စီ ထောက်ခံချက်ဖြင့် ဘဏ်များသို့ ခွဲဝေပေးပို့မည်ဖြစ်ပြီး ချေးငွေအား CNG စနစ် ပြောင်းလဲ ပြုလုပ်ပေးမည့် ရွှေသံလွင်ကော်မတီသို့ ထုတ်ပေးရမည်ဖြစ်ပြီး ချေးငွေကာလမှာ (၂)နှစ်သက်တမ်းဖြစ်ပါ သည်။ မြန်မာ့မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်မှ (၆/၂၀၀၆) မှစ၍ ပထမအကြိမ် (၃၃၇) စီးအတွက် ကျပ်(၁၀,၀၉၂.၇၈)သိန်း ၊ ဒုတိယအကြိမ် (၁၄၃) စီးအတွက် ကျပ်(၆,၂၂၃.၆)သိန်း ၊ စုစုပေါင်း (၄၈၀) စီး အတွက်ကျပ် (၁၆,၃၁၆.၃၈) သိန်း တို့ကိုထုတ်ချေးခဲ့ပါသည်။

ချင်းပြည်နယ် နွားနောက်မွေးမြူရေး အထူးစီမံကိန်းချေးငွေ

ယခင် မြန်မာ့မွေးမြူရေးနှင့်ရေလုပ်ငန်းဖွံ့ဖြိုးရေးဘဏ်လီမိတက်၊ ယခု ကမ္ဘာ့ရတနာဘဏ် လီမိတက်သည် မွေးမြူရေးနှင့် ရေလုပ်ငန်းဝန်ကြီးဌာန၊ မွေးမြူရေးနှင့်ကုသရေးဦးစီးဌာန၊ ဌာနဆိုင်ရာ အကြီးအကဲများ လမ်းညွှန်ချက်ဖြင့် ချင်းပြည်နယ်၏ နွားနောက်မွေးမြူရေး ဖွံ့ဖြိုးတိုးတက်ရန်အတွက် ဘဏ်မှချေးငွေဖြင့် ထောက်ပံ့ကူညီပေးရန် လျှောက်ထားလာသောကြောင့် နွားနောက်မွေးမြူသူများ နွားနောက်ကောင်ရေ တိုးချဲ့မွေးမြူနိုင်ရန် အထူးစီမံကိန်းချေးငွေ တစ်ရပ်အဖြစ် ထုတ်ချေးပေးခဲ့ပါသည်။

ထို့ကြောင့် ချင်းပြည်နယ်ရှိ နွားနောက်မွေးမြူသော မြို့နယ် (၈) မြို့နယ်ဖြစ်သော တီးတိန်၊ တွန်းဇံ၊ ထန်တလန်၊ ဖလမ်း၊ ဟားခါး၊ ကန်ပက်လက်၊ မတူပီ၊ မင်းတပ်မြို့နယ်များသို့ နွားနောက်မွေးမြူသည့် အကောင်ရေအလိုက် တစ်ကောင်ချင်းစီ တန်ဖိုးသတ်မှတ်၍ (၁၁-၈-၂၀၀၃) ရက်နေ့တွင် ချေးငွေကျပ်သိန်း (၁၀၀၀) ၊ (၁၃-၇-၂၀၀၆) ရက်နေ့တွင် ချေးငွေကျပ်သိန်း (၅၀၀) နှင့် (၂၃-၁၀-၂၀၀၈) ရက်နေ့တွင် ချေးငွေ ကျပ်သိန်း (၁၅၀၀) စုစုပေါင်း ချေးငွေကျပ်သိန်း (၃၀၀၀) အားချေးငွေ ကာလသက်တမ်း တစ်ကြိမ်လျှင် (၃)နှစ် ဖြင့်စီမံကိန်း ချမှတ်ဆောင်ရွက်နိုင်ခဲ့ပါသည်။

၎င်းအပြင် ရခိုင်ပြည်နယ်၊ တောင်ကုတ်မြို့နယ်ရှိ တောင်ကုတ်နွားမွေးမြူရေးအဖွဲ့အား (၁၁-၅-၂၀၀၉) ရက်နေ့တွင် ချေးငွေကျပ်သိန်း(၂၅၀) နှင့် မာန်အောင်မြို့နယ်ရှိ နွားမွေးမြူရေးအဖွဲ့အား (၂၉-၉-၂၀၁၀) ရက်နေ့တွင် ကျပ်သိန်း (၂၅၀) တို့ကို အထူးချေးငွေတစ်ရပ်အဖြစ် ပံ့ပိုးထုတ်ချေးခြင်းများ ဆောင်ရွက် ခဲ့ပါသည်။

နာဂစ်အထူးချေးငွေ

၂၀၀၈ ခုနှစ်၊ မေလ(၂)ရက်နေ့တွင် ဧရာဝတီတိုင်းဒေသကြီးနှင့် ရန်ကုန်တိုင်းဒေသကြီးများသို့ ဝင်ရောက်တိုက်ခတ်ခဲ့သော နာဂစ်မုန်တိုင်းကြောင့် နယ်မြေခံပြည်သူလူထုအနေဖြင့် သေဆုံးဒဏ်ရာရရှိခြင်း၊ အိုးအိမ်အဆောက်အဦနှင့် စီးပွားရေးလုပ်ငန်းများ ပျက်စီးဆုံးရှုံးခြင်းဒဏ်ကို ခံစားခဲ့ရပါသည်။

၂သို့ဖြစ်ပါ၍ နိုင်ငံတော်အစိုးရနှင့် မွေးမြူရေးနှင့်ရေလုပ်ငန်းဝန်ကြီးဌာန လမ်းညွှန်ချက်ဖြင့် နာဂစ် မုန်တိုင်းဒဏ်ခံစားခဲ့ရသော ဒေသခံပြည်သူလူထု၏ အခက်အခဲများ၊ စီးပွားရေးလုပ်ငန်းများ ပြန်လည်ထူ ထောင်နိုင်ရေးအတွက် တစ်ဖက်တစ်လမ်းမှ ကူညီဖြေရှင်းနိုင်စေရန် ရည်ရွယ်၍ နာဂစ်ချေးငွေများကို (ယခင်) မြန်မာ့မွေးမြူရေးနှင့် ရေးလုပ်ငန်းဖွံ့ဖြိုးရေးဘဏ်၊ (ယခု) ကမ္ဘာ့ရတနာဘဏ်အနေဖြင့် ထုတ်ချေးပေးနိုင်ခဲ့ပါ သည်။

ထိုသို့ချေးငွေများ ထုတ်ချေးပေးရာတွင် ဧရာဝတီတိုင်းမှ လပွတ္တာမြို့နယ်၊ ဖျာပုံမြို့နယ်၊ ဘိုကလေး မြို့နယ်၊ အမာမြို့နယ်ခွဲနှင့် ဟိုင်းကြီးကျွန်းမြို့နယ် ကျေးရွာများရှိ ရေလုပ်ငန်းရှင်များအား အောက်ပါအတိုင်း ထုတ်ချေးခဲ့ပါသည်-

သို့ဖြစ်ပါ၍ လုပ်ငန်းရှင်ဦးရေ (၁၆၇၃)ဦးအတွက် ချေးငွေထုတ်ချေးမှု စုစုပေါင်းငွေပမာဏမှာ ငွေကျပ် (၅၇၇၃၆) သိန်း ဖြစ်ပါသည်။-

အချို့သော Customer များမှ ချေးငွေအရင်း အတိုးအရင်းများ ပေးသွင်းခဲ့ပြီး ပြန်လည်ပေးဆပ်နိုင် သော အခြေအနေမရှိသူနှင့် နေရပ်လိပ်စာ စုံစမ်း၍မရသူ (သေ/ပျောက်) များထံမှ ရရန်ရှိသော ငွေကျပ်သိန်း (၂၂၈၆၂.၂၀) အား စာရင်းမှပယ်ဖျက်ခွင့် (Write Off) ပြုလုပ်နိုင်ပါရန် ရှင်းလင်းတင်ပြခဲ့ရာ ဒါရိုက်တာအဖွဲ့ဝင် များမှ လုပ်ထုံးလုပ်နည်းနှင့်အညီ စာရင်းလျော့သွားရန် အောက်ပါအတိုင်း သဘောတူဆုံးဖြတ်ခဲ့ကြပါသည်-