နိုင်ငံခြားငွေဝန်ဆောင်မှုလုပ်ငန်းအခြေအနေ
ကမ္ဘာ့ရတနာဘဏ်သည် မြန်မာနိုင်ငံတော်ဗဟိုဘဏ်မှ ပြည်ပနိုင်ငံများနှင့် နိုင်ငံခြားဘဏ်လုပ်ငန်း များ ပိုမိုကျယ်ပြန့်စွာဆောင်ရွက်နိုင်စေရေးအတွက် နိုင်ငံခြားငွေများရောင်းဝယ်ဖောက်ကားသည့် လုပ်ငန်း လိုင်စင် (Authorized Dealer Licence) ကို ၂၄ ဩဂုတ် ၂၀၁၂ တွင်စတင်ရရှိခဲ့ပါသည်။ ထိုသို့ လိုင်စင်ရရှိခဲ့ပြီး နောက်ပိုင်း ဘဏ်၏ ရေရှည်ခိုင်မာမှုကို ရှေးရှု၍လည်းကောင်း၊ နိုင်ငံခြားငွေစီးဆင်းမှုများ စနစ်တကျရှိစေရေး အတွက်လည်းကောင်း၊ ပြည်တွင်း၊ ပြည်ပလုပ်ငန်းများ၊ နိုင်ငံခြားတိုင်းပြည်ရှိဘဏ်များနှင့် ကုန်သွယ်မှုဆိုင်ရာ (Trade) ကိစ္စရပ်များကို အောင်မြင်စွာ တိုးမြှင့်ဆောင်ရွက်လျက်ရှိပါသည်။
ထို့ပြင် မြန်မာနိုင်ငံတော်ဗဟိုဘဏ်မှ နယ်စပ်ဖြတ်ကျော်ကုန်သွယ်မှု (Cross Border Trade) ကိစ္စရပ် များနှင့်ပတ်သက်၍ သွင်းကုန်၊ ထုတ်ကုန်လုပ်ငန်းရှင်များ၏ လုပ်ငန်းများအဆင်ပြေချောမွေ့စေရေးအတွက် ထိုင်း-မြန်မာ နှစ်နိုင်ငံနယ်စပ်ကုန်သွယ်မှု ဘတ်/ကျပ် တိုက်ရိုက်အသုံးပြုပေးချေခြင်းနှင့် တရုတ်-မြန်မာ နှစ်နိုင်ငံနယ်စပ်ကုန်သွယ်မှုတွင် ယွမ်/ကျပ် တိုက်ရိုက်အသုံးပြုပေးချေခြင်းအတွက် ၂၆ အောက်တိုဘာ ၂၀၂၃ တွင် Designated Bank အဖြစ်လည်းကောင်း၊ အိန္ဒိယ-မြန်မာ နှစ်နိုင်ငံနယ်စပ် ကုန်သွယ်မှုတွင် ရူပီး/ ကျပ် တိုက်ရိုက်အသုံးပြုပေးချေဆောင်ရွက်ခြင်းအတွက် ၃၁ ဇူလိုင် ၂၀၂၄ တွင် Desingated Bank အဖြစ် လည်းကောင်း ခွင့်ပြုချက်များရရှိပြီးဖြစ်သဖြင့် နိုင်ငံအတွင်းရှိ အခြားဘဏ်များနှင့် ရင်ပေါင်တန်းကာ တစ်နှစ် ထက် တစ်နှစ် ပိုမိုတိုးတက်လာစေရန် ရည်ရွယ်လျက် စဉ်ဆက်မပြတ် အားထုတ်ကြိုးပမ်းဆောင်ရွက်လျက် ရှိပါသည်။
ထို့ပြင် နိုင်ငံတကာအဆင့်မီ ပြည်ပဘဏ်များနှင့် ကုန်သွယ်မှုများ ပြုလုပ်ရာတွင် လွယ်ကူချောမွေ့ပြီး စိတ်ချမြန်ဆန်မှုရှိစေရန်အတွက် အဆက်အသွယ်ပြုလုပ်နေသော နိုင်ငံခြားဘဏ်များမှာ အောက်ပါအတိုင်း ဖြစ်ပါသည်-
(က)
စာရင်းဖွင့်လှစ်ဆောင်ရွက်နေသော နိုင်ငံခြားဘဏ်များမှာ -(၁) Punjab National Bank (formal-United Bank of India)
(၂) Krung Thai Bank (Thailand)
(၃) Kasikorn Bank (Thailand)
(၄) Vietnam Joint Stock Commercial Bank for Industry and Trade (Vietnam) တို့ဖြစ်ပါသည်။
(ခ) Relationship Management Application (RMA) ချိတ်ဆက်ထားသော Correspondent Bank (အဆက်အသွယ်ဘဏ်များ) မှာ အောက်ပါအတိုင်းဖြစ်ပါသည် -
(၁) BIDV (Joint Stock Commercial Bank for Investment and Development of Vietnam)
(၂) ICBC (Industrial and Commercial Bank of China)
(၃) Shinhan Bank (Korea)
(၄) Busan Bank (Korea) တို့နှင့်ချိတ်ဆက်၍ လုပ်ကိုင်ဆောင်ရွက်လျက်ရှိပါသည်။