ကမ္ဘာ့ရတနာဘဏ်(အများနှင့်သက်ဆိုင်သောကုမ္ပဏီလီမိတက်)
(Incorporated in the Republic of the Union of Myanmar)
ဥပဒေ၊စည်းမျဉ်းလိုအပ်ချက်များနှင့် ပတ်သက်သည့် အစီရင်ခံခြင်း
မြန်မာနိုင်ငံကုမ္ပဏီများဥပဒေ(၂၀၁၇) ပုဒ်မ ၂၈၀ အရလည်းကောင်း၊(မြန်မာနိုင်ငံ ကုမ္ပဏီများအက်ဥပဒေ (၁၉၁၄)ပုဒ်မ ၁၄၅ အရလည်းကောင်း)၊ မြန်မာနိုင်ငံ ငွေရေးကြေးရေး အဖွဲ့အစည်းများဥပဒေ ပုဒ်မ ၈၉(က)နှင့် ၉၀(က)အရလည်းကောင်း ကျွန်ုပ်တို့၏ အစီရင်ခံသည့်အချက်မှာ-
| (က) | ကျွန်ုပ်တို့ စာရင်းစစ်အဖွဲ့၏ စာရင်းစစ်ဆေးရန် ရည်ရွယ်ချက်အတွက် ကျွန်ုပ်တို့လိုအပ်မည်ဟု ထင်မြင်သော သတင်းအချက်အလက်နှင့် ရှင်းလင်းချက်များအားလုံးကို ပြည့်စုံစွာ ရရှိ ခဲ့ပါသည်။ |
| (ခ) | ကျွန်ုပ်တို့စစ်ဆေးခဲ့သော စာအုပ်စာတမ်းများအရ ဘဏ်သည် ကုမ္ပဏီများဥပဒေအရ ထားရှိရန် လိုအပ်သော စာရင်းစာအုပ်များကို ပြည့်စုံစွာထိန်းသိမ်းထားရှိသည်ဟု ထင်မြင် ယူဆပါသည်။ |
| (ဂ) | ဤအစီရင်ခံစာပါ ဘဏ္ဍာရေးအခြေအနေပြရှင်းတမ်း အရှုံး(သို့)အမြတ် နှင့် အခြားအလုံးစုံသော ဝင်ငွေရှင်းတမ်း၊ငွေသားစီးဆင်းမှု ရှင်းတမ်းတို့တွင်ပါရှိသောအသေးစိတ်အချက် အလက်များသည် စာရင်းစာအုပ်များနှင့် ကိုက်ညီမှုရှိပါသည်။ |
ထို့အပြင် ကျွန်ုပ်တို့၏ ထင်မြင်ယူဆချက်များမှာ စာရင်းစစ်အထူးပြူထင်မြင်ယူဆချက်၏ အခြေခံအချက်စာပိုဒ်များတွင် ဖော်ပြထားသော ဘဏ္ဍာရေးရှင်းတမ်းအပေါ် အကျိုးသက်ရောက်မှုများမှအပ၊ ဘဏ်၏ စာရင်းစာအုပ်များတွင် ဖော်ပြချက်များအရနှင့် ပေးအပ်ခဲ့သော ရှင်းလင်းချက်များနှင့် ကျွန်ုပ်တို့ရရှိခဲ့သော အကောင်းဆုံးသော သတင်းအချက်အလက်များအရ ဘဏ်၏ ၂၀၂၂ခုနှစ်၊ မတ်လ၊ (၃၁) ရက်နေ့ ရှိ စာရင်းမှတ်စုနှင့်တကွ ဖော်ပြသော ဘဏ္ဍာရေးအခြေအနေပြရှင်းတမ်း(လက်ကျန်ရှင်းတမ်း)သည် သင့်လျော်မှန်ကန်စွာ ဖော်ပြထားသည်ဟု ထင်မြင်မိပါသည်။
