ကမ္ဘာ့ရတနာဘဏ်လီမိတက်၏နိဒါန်း

အစုရှယ်ယာများဖြင့် ပေးရန်တာဝန် ကန့်သတ်ထားသည့် အများနှင့်သက်ဆိုင်သောကုမ္ပဏီ အဖြစ် တည်ထောင်ရန် (၆-၂-၁၉၉၆) ရက်နေ့တွင် ကုမ္ပဏီမှတ်ပုံတင်အမှတ် (၁၃၇၅^ ၉၅-၉၆) ဖြင့် ခွင့်ပြုခဲ့ပြီး၊ ၁၉၉၀ ခုနှစ် ပြဋ္ဌာန်းသော မြန်မာနိုင်ငံငွေရေးကြေးရေးအဖွဲ့အစည်းများဆိုင်ရာ ဥပဒေနှင့်အညီ မြန်မာနိုင်ငံတော်ဗဟိုဘဏ်၏ လိုင်စင်အမှတ်၊ မဗဘ ^ ပီ-၁၅ ^ (၂) ၉၆ ဖြင့် (၁၅-၂-၁၉၉၆) ရက်နေ့တွင် မြန်မာ့မွေးမြူရေးနှင့် ရေလုပ်ငန်းဖွံ့ဖြိုးတိုးတက်ရေးဘဏ်လီမိတက် အမည်ဖြင့် စတင်ဖွင့်လှစ်ဆောင်ရွက်ခဲ့ပါသည်။
စတင်ဖွင့်လှစ်ဆောင်ရွက်ခဲ့ပါသည်။ မြန်မာ့မွေးမြူရေးနှင့် ရေလုပ်ငန်းဖွံ့ဖြိုးတိုးတက်ရေးဘဏ်လီမိတက်အနေဖြင့် ဘဏ်လုပ်ငန်း ဆောင်တာအဝ၀ကို ကြိုးပမ်းဆောင်ရွက်ခဲ့ပြီးနောက်ပိုင်း ၂၀၁၃ ခုနှစ်၊ ဇူလိုင်လ (၁) ရက်နေ့မှစ၍ ကုမ္ပဏီမှတ်ပုံတင်အမှတ် (၁၃၇၅^ ၁၉၉၅-၁၉၉၆) ၊ မြန်မာနိုင်ငံတော်ဗဟိုဘဏ်လိုင်စင်အမှတ် မဗဘ ^ ပီ-၃၂ ^ (၁၁) ၂၀၁၃ (၁) တို့ဖြင့် ကမ္ဘာ့ရတနာဘဏ် (အများနှင့်သက်ဆိုင်သော ကုမ္ပဏီလီမိတက်) အမည်သို့ ပြောင်းလဲပြင်ဆင်သတ်မှတ်ခဲ့ပါသည်။

ဘဏ်အနေဖြင့် သက်တမ်းရလာသည်နှင့်အမျှ အများပြည်သူတို့၏ ယုံကြည်မှုရလာသည့် အလျောက် အပ်ငွေများ တစ်နှစ်ထက် တစ်နှစ်ပိုမိုတိုးတက်လာခဲ့ပါသည်။ တိုးတက်လက်ခံရရှိသော အပ်ငွေများအား ဘက်စုံစီးပွားရေးဖွံ့ဖြိုးတိုးတက်မှု အထောက်အကူပြုသည့် သားငါးကဏ္ဍ ထုတ်လုပ်မှုလုပ်ငန်း၊ စက်မှုလုပ်ငန်း၊ ကုန်သွယ်မှုလုပ်ငန်း၊ ဆောက်လုပ်ရေးလုပ်ငန်း၊ ဝန်ဆောင်မှု လုပ်ငန်းအစရှိသည့် စီးပွားရေးလုပ်ငန်းအသီးသီးသို့ ခိုင်မာသော ချေးငွေများ ထုတ်ချေးခဲ့ပါသည်။ ထို့အပြင် နိုင်ငံတော်၏ စီမံကိန်းဝင်စိုက်ပျိုးရေး၊ မွေးမြူရေး၊ စက်မှုလက်မှုဖွံ့ဖြိုးရေးကဏ္ဍတို့၏ ငွေကြေးလိုအပ်ချက်များကိုလည်း ဖြည့်ဆည်းဆောင်ရွက်ပေးလျက် ရှိပါသည်။ ဘဏ်၏ အရာထမ်း၊ အမှုထမ်းများ အရည်အသွေး တိုးတက်မြင့်မားစေရန် သင်တန်းများ ဖွင့်လှစ်ထားရှိပြီး ဘဏ်လုပ်ငန်းဆိုင်ရာ သင်တန်းများပေးခြင်း၊ မြန်မာနိုင်ငံတော်ဗဟိုဘဏ်မှ ဦးစီးဖွင့်လှစ်သည့် သင်တန်းအသီးသီးသို့ စေလွှတ်တက်ရောက်စေခြင်းအပြင် ဘဏ်နှင့်ဆက်သွယ် ဆောင်ရွက်လျက် ရှိကြသည့် ဖောက်သည် (Customer) များအား ကျေနပ်မှုရရှိစေရန် ငွေကြေးဝန်ဆောင်မှုလုပ်ငန်း များ ဆောင်ရွက်ပေးလျက်ရှိရာ ယခင် (၁၉၉၉) ခုနှစ်တွင် ရုံးချုပ်အပါအဝင် ဘဏ်ခွဲ (၄) ခုသာ ရှိရာမှ ယနေ့အထိ ရုံးချုပ်အပါအဝင် ဘဏ်ခွဲကြီး (၁၆၆) ဘဏ်နှင့် ဘဏ်ခွဲငယ် (၉) ဘဏ် စုစုပေါင်း (၁၇၅) ဘဏ် အထိ တိုးချဲ့ဖွင့်လှစ်နိုင်ခဲ့ပါသည်။
ကမ္ဘာ့ရတနာဘဏ် ပြင်ပစာရင်းစစ်အဖွဲ့အနေဖြင့် ဒေါ်ခင်စောယုနှင့်အဖွဲ့ ယ JF Group (Certified Public Accounts And Auditors) အား (၂၀၂၂-၂၀၂၂) ဘဏ္ဍာရေးနှစ်အတွက် ဘဏ်၏စာရင်းစစ်အဖွဲ့အဖြစ် တာဝန်ပေးအပ်ခဲ့ပါသည်။ ကမ္ဘာ့ရတနာဘဏ်ကို အများနှင့် သက်ဆိုင်သောဘဏ် (Public Bank) အဖြစ် ဖွဲ့စည်းတည်ထောင်ခဲ့ခြင်းဖြစ်သဖြင့် ဘဏ်၏သင်းဖွဲ့စည်းမျဉ်း၊ သင်းဖွဲ့မှတ်တမ်းတို့နှင့်အညီ နှစ်စဉ်ဘဏ္ဍာနှစ် ကုန်ဆုံးချိန်တွင် တစ်နှစ် အတွင်း ဆောင်ရွက်ခဲ့သော လုပ်ငန်းအားလုံးကို ဒါရိုက်တာအဖွဲ့က အစီရင်ခံစာ ရေးသားပြုစုပြီး အစုရှယ်ယာရှင် အားလုံးထံသို့ နှစ်စဉ်တင်ပြခဲ့ပါသည်။ ယခု (၂၀၂၁-၂၀၂၂) ဘဏ္ဍာရေးနှစ်တွင် လည်း အစုရှယ်ယာရှင်များက ရွေးချယ်တင်မြှောက်ထားသော ဘဏ်ဒါရိုက်တာအဖွဲ့မှ အတည်ပြု ခန့်အပ်ပေးထားသည့် စာရင်းစစ်အဖွဲ့ဝင်များနှင့် ပြင်ပစာရင်းစစ် ဒေါ်ခင်စောယုနှင့်အဖွဲ့ ယ Group (Certified Public Accounts And Auditors) တို့၏ စစ်ဆေးတွေ့ရှိချက်များကို ဒါရိုက်တာအဖွဲ့၏ အစီရင်ခံစာတွင် အသေးစိတ်ဖော်ပြထားပါသည်။